O le taeao o le Aso Gafua 08 Aukuso na aofaga mai ai sui mai Atunuu i fafo pei o Taiwan, Niu Sila, Hawaii ma isi, aemaise o sui mamalu o Matagaluega taitasi mo le tauaofiaga lona 6 a le Bridge Builder. Sa feagai ma le resitara i lea taeao.

O le taeao nei sa feagai ma le solo amata mai luma o le malumalu o le Ekalesia a Iesu, ma agai mai ai loa i le Fogafale 6 o le Ioane Viliamu mo le tatala aloaiaina o lenei fonotaga.

O le Taitaifono o le Ekalesia Fa’apotopotoga Kerisiano Samoa – Reverend Elder Lale Ieremia sa taitaiina le Sauniga, o viiga sa peseina e le Aufaipese EFKS Fasitootai ma sa fa’afiafia ai foi mo siva faaleagaga tapenaina e le Autalavou EFKS Nofoalii.

Na maea le sauniga ona saunoa lea o le Afioga i le Taitaifono o le Bridge Builder 2008 – 2011 e faailoa foi le Afioga i le Taitaifono o le Mafutaga Aoao a Tina – Binary Reupena e saunoa e tali fa’afetaia le Taitai o le Sauniga.

Sa tutulai foi mo sina taimi e manatua ai nisi o le Mafutaga ua fai i lagi le folauga o le tina ia Lynne o le Bridge Builder i Niu Sila faapea le tina ia Tifilelei Lale Ieremia.  .. photos